කියන්න යන්නේ එලඹෙන ලෝක කුසලානය සම්බන්ධව පුවතක්.
ක්රිකට් ක්රීඩා ලෝලීන් මේ දිනවල දැඩි වුවමනාවකින් ඉන්නේ මේ සම්බන්ධව තොරතුරු දැන ගන්න.
ලබන ජුනි මස 2 වැනිදා ඇමරිකාව සහ බටහිර ඉන්දීය කොදෙව් දූපත් කේන්ද්ර කර ගනිමින් ආරම්භ කෙරෙන 2024 ලෝක කුසලාන පන්දුවාර 20 ක්රිකට් තරගාවලියට සහභාගී වන ශ්රී ලංකා මූලික සංචිතය මේ වනවිට නම් කර තිබෙනවා.
ක්රීඩකයින් 25 දෙනෙකු මෙම සංචිතය සඳහා කැඳවා තිබෙන අතර ඔවුන් මේ වනවිට පුහුණුවීම් ආරම්භ කර ඇත්තේ කොළඹ ආර්. ප්රේමදාස ක්රීඩාංගණයේදීයි.
මෙම සංචිතයට එක් කර තිබෙන මතීෂ පතිරණ, නුවන් තුෂාර, දුෂ්මන්ත චමීර, මහීෂ් තීක්ෂණ සහ විජයකාන්ත් වියාස්කාන්ත් අයිපීඑල් තරගාවලියට එක්ව සිටිම හේතුවෙන් ඔවුන් කණ්ඩායම සමග එක්ව වන්නේ නැහැ.
මීට අමතරව කලකට පසු නිරෝෂන් දික්වැල්ල සහ භානුක රාජපක්ෂ ශ්රී ලංකා පන්දුවාර 20 මූලික සංචිතයට කැඳවා තිබීමද විශේෂත්වයක්.
පන්දුවාර 20 ලෝක කුසලානයට පෙර මෙම සංචිතයේ සිටින ක්රීඩකයින් අතර පන්දුවාර 20යි විස්ස පුහුණු තරගයක් පැවැත්වීමට ද නියමිතයි.