යාපනය පේදුරුතුඩුව වල්ලිපුරම් මුහුදු වෙරල ආසන්නයේ සඟවා තිබූ රුපියල් කෝටි 86 කට අධික වටිනා අබිං කිලෝ 49 ක් තිබී සොයාගත් බවට පේදුරුතුඩුව පොලීසිය පවසයි.
ඊට අමතරව ඒම ස්ථානයේම සඟවා තිබූ රුපියල් කෝටිකට ආසන්න වටිනා කේරලගංජා කිලෝ 28 ක්ද තිබී පේදුරුතුඩුව පොලීසිය විසින් සොයාගනු ලැබීය.
උතුරු පලාතෙන් මෙවැනි විශාල වටිනාකමක් ඇති අබිං තොගයක් හමු වූ පළමු අවස්ථාව මෙය වන අතර පොලීසිය විසින් කරන ලද තක්සේරුවට අනුව අබිං කිලෝවක් රුපියල් කෝටි දෙකකට ආසන්න මුදලකට අලෙවි වන බවටත් මෙම අබිං තොගය ඉන්දියාවේ සිට මුහුදු මාර්ගයෙන් ජාවාරම් කරුවන් විසින් රැගෙනවිත් වෙනත් ප්රදේශයකට රැගෙන යාම සඳහා වල්ලිපුරම් වෙරල ආසන්නයේ සඟවා ඇතැයි සැක පල කරන බවට පොලීසිය පැවසීය.
පේදුරුතුඩුව පොලීසියට ලැබුනු තොරතුරකට අනුව එහි නිලධාරීන් පිරිසක් වල්ලිපුරම් මුහුදු වෙරල ප්රදේශයේ සිදුකල විශේෂ සෝදිසි මෙහෙයුමකදී මෙම අබිං තොගය සහ කේරල ගංජා තොගය සඟවා තිබීයදී හමු විය.