මීරිගම පොලිස් වසමේ දී නිවසක සිටි කාන්තාවකට පොල්ලකින් පහර දී ඝාතනය කළ සිද්ධියකට සම්බන්ධ සැකකරුවෙකු අත්අඩංගුවට ගෙන තිබේ.
පසුගිය 24 වැනිදා එම ඝාතනය සිදු ව තිබුණේ, මීරිගම පොලිස් වසමේ මාකූර ප්රදේශයේ දී ය.
අදාළ ඝාතන සිද්ධියේ සැකකරු ඊයේ (25) රාත්රී කාලයේ දී මීරිගම පොලිස් වසමේ අඹේපුස්ස දුම්රියපොළ අසල දී අත්අඩංගුවට ගෙන ඇත.
අත්අඩංගුවට ගත් සැකකරු මාකූර, අඹේපුස්ස ප්රදේශයේ පදිංචි 43 හැවිරිදි පුද්ගලයෙකි.
සිද්ධිය සම්බන්ධයෙන් මීරිගම පොලීසිය වැඩිදුර විමර්ශන සිදු කරයි.