ගාල්ල කොළඹ මහා මාර්ගයට සමීපව ගාල්ල දඩල්ලේ පිහිටි ඉහළ පෙලේ සංචාරක හෝටලයක් අසලදී ඊයේ ( 18 ) සවස පිය පුතු දෙපලකට වෙඩි තබා පලා ගිය සිව් දෙනකු අත්අඩංගුවට ගත් බව ගාල්ල කොට්ඨාස අපරාධ විමර්ශන කාර්යංශය පවසයි.
මෙසේ අත්අඩංගුවට ගත් සිව්දෙනා හබරාදුව හීනටිගල ප්රදේශයේ පදිංචි අවුරුදු 25 ත් 35 ත් අතර වයස්වල පසුවන අය වෙති.
මෙම වෙඩි තැබීමෙන් එම පිය පුතු දෙපොලට කිසිම හානියක් සිදුවී නොතිබුණි. එම පිය පුතු දෙපල උණවටුන මැටරඹ ප්රදේශයේ පදිංචිකරුවන්වන අතර එම පියා දැනට විදේශගතව සිටින සංවිධානාත්මක අපරාධ කල්ලි නායකයෙකුගේ සමීප මිතුරෙකු බවද පරීක්ෂණවලදී අනාවරණයවී තිබේ.