රුපියල් කෝටි විසි තුනක් වටිනා කොකේන් මත්ද්රව්ය තොගයක් , කුඩා දරුවන් කියවන, ලොකු ඉංග්රීසි අකුරු සහිත ළමා කතාන්දර පොත් 08 ක , පිටකවර තුළ සගවා , විදේශීය කාන්තාවක ශ්රී ලංකාවට ගෙන එමින් සිටියදී අත්අඩංගුවට ගත් බව රේගු මත්ද්රව්ය පාලන අංශය කියයි.
ශ්රී ලංකාවට පළමු වරට පැමිණි ඇය 42 හැවිරිදි ඉන්දුනීසියානු ජාතික කාන්තාවක් වන අතර , ඇය එරට රෙදිපිළි වෙළෙඳාමේ නිරත වන්නියක් බව මූලික රේගු විමර්ශන වලදී අනාවරණය වී තිබේ .
ඇය මෙම මත්ද්රව්ය තොගය රැගෙන මුළින්ම ඉතියෝපියාවේ අඩිස් අබාබා නුවරින් ගමන් අරඹා කටාර් රාජ්යයේ දෝහා වෙත පැමිණ තිබේ.
ඇය මෙම කොකේන කිලෝ ග්රෑම් 04 යි ග්රෑම් 598 ක් බරැති මත්ද්රව්ය තොගය ඉතා සූක්ෂම ලෙස , ඝනකම සහිත ඉංග්රීසි ළමා කතන්දර පොත් පිටකවර කපා , සකස් කර , ඒ තුළ බහා , සිය ගමන් මලු තුළ සගවා ගෙන රැගෙන විත් තිබුණි .