www.eethalayanews.com
  New Page 1
New Page 1
Eethalaya News
New Page 1

සෙලෙන්ස්කි ඝාතනයට අප්‍රිකාවේ සිට ගෙන්වාගත් දරුණුම කුලී හේවායන් 400 ක් පුටින් යුක්ක්‍රේනය වෙත යවයි...


2022-02-28 12:13:00 -  321 යි

යුක්රේන ජනාධිපති සෙලෙන්ස්කි ඝාතනය කිරීම සඳහා රුසියාව විසින් පුද්ගලික මිලීෂියාවකට අයත් පුද්ගලයන් (කුලී හේවායන්) 400 කට වැඩි පිරිසක් අප්‍රිකාවේ සිට ගුවන් මගින් රැගෙන ගොස් ඇති බව ඊයේ රාත්‍රියේ අනාවරණය විය.

වැග්නර් සමූහ ව්‍යාපාරය ලෙස හඳුන්වනු ලබන පුද්ගලික මිලීෂියාවකට යුක්රේනයේ බලය අත්පත් කර ගැනීම  සඳහා සෙලෙන්ස්කි සහ තවත් රජයේ පුද්ගලයින් 23 දෙනෙකු ඉවත් කරන ලෙස ව්ලැඩිමීර් පුටින්ගෙන් නියෝග ලැබී ඇති බව ජාත්‍යන්තර මාධ්‍ය වාර්තා කරයි.

රුසියානු ජනාධිපතිවරයාගේ සමීප සගයෙකු වන යෙව්ගනි ප්‍රිගොෂින් විසින් මෙහෙයවනු ලබන කුලියට ගත් මෙම හමුදාව සති පහකට පෙර පියාසර කරන ලද අතර මෙහෙයුම සඳහා විශාල මුදලක් පිරිනමනු ලැබේ. .

වැග්නර් සමූහ ව්‍යාපාරයේ ක්‍රියාකාරකම් පිළිබඳ දැනුමක් ඇති මූලාශ්‍රයක් ටයිම්ස් පුවත්පතට පවසා ඇත්තේ කුලී හේවායන් 2,000ත් 4,000ත් අතර ප්‍රමාණයක් ඇත්ත වශයෙන්ම ජනවාරි මාසයේදී විවිධ මෙහෙයුම් සඳහා යුක්රේනයට පැමිණ ඇති බවයි.

සමහරක් රටේ නැගෙනහිරින් ඩොනෙට්ස්ක් සහ ලුහාන්ස්ක් යන කැරලිකරුවන්ගේ පාලන ප්‍රදේශ වෙත යවන ලද අතර - සෙලෙන්ස්කිව රැගෙන යාමේ කාර්යය භාර ගත් 400 දෙනා බෙලාරුස් සිට යුක්රේනයේ අගනුවර වන කියෙව් වෙත ගමන් කර තිබේ.

මෙම කණ්ඩායම සෙලෙන්ස්කි සහ ඔහුගේ සගයන් ඔවුන්ගේ ජංගම දුරකථන හරහා ලුහුබඳිමින් සිටින බව කියනු ලැබේ

තවත් මූලාශ්‍රයක් කියා සිටියේ පුටින් මේ සතියේ සෙලෙන්ස්කි සමඟ 'සාම සාකච්ඡා' පවත්වීමට නියමිත හෙයින් තම මෙහෙයුම් සතියක කාලයකට පමා කරන ලෙස මෙම කුලී හේවායන්ට දන්වා ඇති බවයි.

වැග්නර් සිරියාව ඇතුළුව අප්‍රිකාව සහ මැදපෙරදිග පුරා රහසිගත මෙහෙයුම් සිදු කර ඇති බව වාර්තා වෙයි.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
15 + 14 =       

New Page 1

  2014 by www.eethalayanews.com