www.eethalayanews.com
  New Page 1
New Page 1
Eethalaya News
New Page 1

හොරොයින් සමඟ ඇල්ලූ පොලිස් SI, නමගිය මත්ද්‍රව්‍ය ජාවාරම්කරුවකු සමඟ සබඳතා පවත්වා ඇති බව හෙළිවෙයි


2021-06-19 10:11:45 -  235 යි

 

රුපියල් කෝටි 50 කට අධික වටිනාකමකින් යුත් හෙරොයින් කිලෝග්‍රෑම් 52 ක් සමඟ කළුතර දකුණ පොලීසියට අනුයුක්තව සේවය කරන උප පොලිස් පරීක්ෂකවරයෙකු ඇතුලු තුන්දෙනෙකු ඊයේ රාත්‍රියේ අත්අඩංගුවට ගනු ලැබුවා.

මෙම උප පොලිස් පරීක්ෂකවරයා මේ වන විට ඩුබායි රාජ්‍යයට පලා ගොස් සිටින නමගිය මත්ද්‍රව්‍ය ජාවාරම්කරුවකු වන පානදුර සලිඳු නැමති මත්ද්‍රව්‍ය ජාවාරම්කරුගේ මත්ද්‍රව්‍ය මෙරට බෙදා හැරීම සඳහා සම්බන්ධීකරණ සහ ප්‍රවාහන කටයුතු සිදුකර ඇති බව මෙතෙක් කරන ලද පරීක්ෂණවලදී අනාවරණය වී තිබෙනවා.

මුහුදු මාර්ග ඔස්සේ දකුණට පැමිණෙන මත්ද්‍රව්‍ය තොග දක්ෂිණ අධිවේගී මාර්ගය හරහා කොළඹට සහ අනෙකුත් ප්‍රදේශවලට බෙදාහැරීමේ කටයුතුවලට මොහු සිය නිල ඇඳුම භාවිත කරමින් සම්බන්ධ වී ඇති බවටයි මෙතෙක් කරන ලද පරීක්ෂණ වලින් හෙළිවී ඇත්තේ.

ඊයේ (18) රාත්‍රියේ බද්දේගම හුවමාරුවෙන් දක්ෂිණ අධිවේගී මාර්ගයට පිවිසි සැකකාර උප පොලිස් පරික්ෂකවරයා අතුරුගිරිය හුවමාරුවෙන් පිටත සිටි තවත් පුද්ගලයින් දෙදෙනකු ද සම්බන්ධ කරගෙන මෙම මත්ද්‍රව්‍ය තොගය ප්‍රවාහනය කර ඇති බවටයි තොරතුරු වාර්තා වන්නේ.

මෙම වැටලීමේදී උප පොලිස් පරීක්ෂකවරයාගේ මෝටර් රථය සහ තවත් වෑන්රථයක් ද අත්අඩංගුවට ගැනීමට පරීක්ෂණ සිදුකළ පොලිස් කණ්ඩායමට හැකි වුණා.

මෙම පිරිස අධිකරණයට ඉදිරිපත් කර දින හතක කාලයක් සඳහා රැඳවුම් නියෝග ලබාගැනීමට නියමිත බවයි පොලිස් මාධ්‍ය ප්‍රකාශකවරයා සඳහන් කළේ.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
18 + 15 =       

New Page 1

  2014 by www.eethalayanews.com