www.eethalayanews.com
  New Page 1
New Page 1
Eethalaya News
New Page 1

කොරෝනා නිසා ඉන්දියාවෙන් පලා ආ පිරිස් ප්‍රදේශ කිහිපයකින් සොයාගනී


2021-05-03 12:57:17 -  363 යි

ඉන්දියාවේ සිට බෝට්ටුවකින් පලාවිත් සැඟවී සිටි කාන්තාවන් දෙදෙනකු සහ දරුවන් දෙදෙනකු පුත්තලම, වෙප්පමඩු සහ මීගමුව, කොච්චිකඩේ, මානවේරිය යන ප්‍රදේශවලින් සොයා ගැනීමට සෞඛ්‍ය නිලධාරීන්ට හැකි වී තිබේ.

වෙප්පමඩු ප්‍රදේශයේ සැඟවී සිට ඇති කාන්තාව ඉන්දියාවේ සිට පැමිණ ඇත්තේ සිය දරු දෙදනා ද සමගිනි. දරු දෙදෙනා අවුරුදු 04 සහ 13 යන වයස්වල පසුවේ. ඉන්දියාවේ චෙන්නයි කුප්පම් සිට මෙම පිරිස තලෙයි මන්නාරමට පැමිණ තිබෙන බව පොලිසිය අනාවරණය කරගෙන තිබේ. වෙප්පමඩු ප්‍රදේශයට ඔවුන් පැමිණ ඇත්තේ ත්‍රිරෝද රථයකිනි. තමන් මෙරට පුරවැසියන් බවත් පසුගිය කාලයේ හොර රහසේ ඉන්දියාවට ගොස් ජීවත් වූ බවත් පොලිසියට පවසා ඇති එම කාන්තාව ස්වාමිපුරුෂයා තවමත් ඉන්දියාවේ ජීවත් වන බවත් සඳහන් කර ඇත.

මෙම කාන්තාව සහ දරුවන් දෙදෙනා ද ඔවුන් පැමිණි ත්‍රිරෝද රථයේ රියැදුරු හා කාන්තාවට සහය දුන් පවුල් පහක් ද නිරෝධායනයට ලක් කිරීමට සෞඛ්‍ය අංශ පියවර ගෙන තිබේ. කොච්චිකඩේ මානවේරිය ප්‍රදේශයෙන් සොයා ගත් කාන්තාව සහ ඇයගේ දරුවන් සිවු දෙනා ද ස්වාමි පුරුෂයා ද නිරෝධායනයට යොමු කළ බව දිවුලපිටිය මහජන සෞඛ්‍ය පරීක්ෂක ඒ. යූ. ටී. කුලතිලක පැවසීය.

ජූඩ් සමන්ත – පුත්තලම

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
11 + 13 =       

New Page 1

  2014 by www.eethalayanews.com