www.eethalayanews.com
  New Page 1
New Page 1
Eethalaya News
New Page 1

ගැමි තරුණියන් නගරයට කැන්දා ගණිකාවන් කළ ජාවාරමක් හෙළිවෙයි - මීගමුවේ ආයතන 10 කින් තරුණියෝ 24 ක් කොටුවෙති


2021-04-05 11:56:15 -  686 යි

පුවත්පත්වල දැන්වීම් පළකොට දහසින් බැඳි පියළි අතපුරා ලැබෙන බවට දුරබැහැර ගම්මානවල ලාබාල තරුණියන් රවටා සම්භාහන මධ්‍යස්ථානවල තෙරපිවරියන් ලෙස පුහුණුවීමට යැයි කියා ලාබාල තරුණියන් නගරබදට ගෙන්වා ඔවුන් ගණිකා වෘත්තියට යොදවන සංවිධානාත්මක කල්ලියක් විසින් මීගමුවේ මෙහෙය වූ සුපිරි ගණිකා මධ්‍යස්ථාන දහයක සිටි තරුණියන් 24 ක් අත්අඩංගුවට ගැනීමට මීගමුව පොලිසිය සමත්විය.

ජ්‍යෙෂ්ඨ පොලිස් අධිකාරි සමන් සිගේරා මහතාගේ මෙහෙයවීම මත මීගමුව අපරාධ කොට්ඨාශය සහ මීගමුව පොලිසිය විසින් මෙම වැටලීම් මෙහෙයවා තිබිණි.

ආයුර්වේද සම්භාහන ආයතන මුවාවෙන් මීගමුව වැල්ලවීදිය, කුඩාපාඩුව, පෙරියමුල්ල, බාල්දිහන්දිය, ඇලපාර යන ප‍්‍රදේශවල මෙම සුපිරි ගණිකා නිවාස පවත්වාගෙන ගොස් තිබිණි. මෙම මධ්‍යස්ථාන වල කිසිදු ආයුර්වේද වෛiවරයකු නොසිටි අතර සෞඛ්‍ය නීති උල්ලංඝනය කරමින් මෙම මධ්‍යස්ථාන පවත්වාගෙන ගොස් තිබිණි.

මෙහිදී අත්අඩංගුවට ගත් තරුණියන් අවුරුදු 20-28 අතර වයස්වල පසුවෙති. ඔවුන් තිස්සමහාරාමය, අනුරාධපුරය, පොලොන්නරුව, නිකවැරටිය, උඩුදුම්බර, ගලෙන්බිඳුනුවැව, තඹුත්තේගම ආදී ඈත පිටිසර ගම්මාන වලින් තෙරපිවරියන් ලෙස සේවයට පැමිණි බවත් පුවත්පත්වල පළ වූ දැන්වීම් අනුව දහසින් බැඳි පියළි සොයා ඔවුන් පැමිණි බවත් ඔවුන් සම්භාහනය සම්බන්ධයෙන් කිසිත් නොදන්නා බවත් පොලිසියට ප‍්‍රකාශ කර තිබේ.

අත්අඩංගුවට ගත් තරුණියන්ගෙන් කොටසක් මීගමුව ප‍්‍රධාන මහෙස්ත‍්‍රාත් ටී. එන්. එල්. මහවත්ත මහත්මිය හමුවට පැමිණ වූ අතර ඔවුන් නිරෝධායන නීති උල්ලංඝණය කිරීම ඇතුළු චෝදනාවන්ට වරද පිළිගත් අතර ඔවුනට රුපියල් 5000 බැගින් දඩ නියම විය.

අනිකුත් තරුණියන් මීගමුව වැඩබලන මහෙස්ත‍්‍රාත් නෙල්සන් කුමාරනායක මහතා වෙත ඉදිරිපත් කිරීමෙන් අනතුරුව එම තරුණියන් රුපියල් ලක්‍ෂ 5 බැගින් ශරීර ඇප මත අත්අඩංගුවෙන් මුදාහැරීමට නියෝග කර ඇත.

මෙම ගණිකා නිවාස පවත්වාගෙන ගිය සැකකරුවන් අත්අඩංගුවට ගෙන ඇති අතර ඔවුනට වෙන් වෙන්ව නඩු පැවරීමට මීගමුව පොලිසිය කටයුතු යොදා ඇත.

ජ්‍යෙෂ්ඨ පොලිස් අධිකාරි සමන් සිගේරා මහතාගේ අධීක්‍ෂණය මත සිදුකළ මෙම වැටලීමට මීගමුව කොට්ඨාශ අපරාධ විමර්ශන ඒකකයේ සහ මීගමුව පොලිසියේ උප පොලිස් පරීක්‍ෂකවරුන් වන රත්නායක, මාරසිංහ, සැරයන් (25996) අනුර, (38339) තුෂාර, කොස්තාපල් වරුන් වන (77769) බණ්ඩාර යන මහත්වරු සහභාගි වූහ. වැඩිදුර විභාගය මැයි මස (06 වෙනිදා) පැවැත්වේ.

මීගමුව සමූහ - විමල් කීර්ති

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
15 + 11 =       

New Page 1

  2014 by www.eethalayanews.com