දඹුල්ල සිට බකමූණ දෙසට ධාවනය කළ ඩිෆෙන්ඩර් වර්ගයේ ජීප් රථයක් බිහිසුණු අනතුරකට ලක්ව තිබෙනවා.
එම මාර්ගයේ 14 වැනි කිලෝමීටර් කණුව ආසන්නයේදී ඩිෆෙන්ඩර් රථය මාර්ගයෙන් ඉවතට පැන ප්රපාතයකට පෙරළීමෙනුයි අනතුර සිදුව ඇත්තේ.
අනතුරින් තුවාල ලැබූ 19 හැවිරිදි තරුණයෙකු ප්රතිකාර සඳහා දඹුල්ල රෝහලට ඇතුළත් කර තිබෙනවා.
විදේශීය විශ්වවිද්යාලයක ඉගෙනුම ලබන බව කියන මෙම තරුණයා විසින් රථය පදවා තිබෙන බවයි පොලිසිය පවසන්නේ.
අනතුර සිදුවන අවස්ථාවේ ඩිෆෙන්ඩර් රථයේ සිට ඇත්තේ රථය පදවාගෙන පැමිණි තරුණයා පමණක් බවත් අනතුරින් එම තරුණයා තුවාල ලබා ඇති බවයි පොලිසිය පැවසුවේ.
විදෙස් රටක උසස් අධ්යාපනය ලබන බව කියන තරුණයා කොළඹ ප්රදේශයේ පදිචිකරුවෙකු බවද පැවසෙනවා.
අනතුරින් එම රථයට බරපතළ හානි සිදුව තිබෙන අතර දඹුල්ල පොලිසියේ නිලධාරීන්ගේ මැදිහත් වීමෙන් රථය යළි ගොඩට ගත්තා.
දඹුල්ල පොලිස් රථවාහන අංශය වැඩිදුර විමර්ශණ සිදු කරනවා.