www.eethalayanews.com
  New Page 1
New Page 1
Eethalaya News
New Page 1

නිරෝධායන මධ්‍යස්ථානයක සිටි කාන්තාවන්ගේ තොරතුරු රැස්කල සෞදි සිට ආ මුස්ලිම් කාන්තාවක් මාට්ටු


2021-07-20 23:28:14 -  353 යි

විදෙස් රටවල සිට මෙරටට පැමිණෙන කාන්තාවන් සඳහා වේයන්ගොඩ නයිවල ප්‍රදේශයේ පවත්වාගෙන යන නිරෝධායන මධ්‍යස්ථානයේ නිරෝධායනය වෙමින් සිටි කාන්තාවක් අත්අඩංගුවට ගෙන තිබේ.

පොලිස් මාධ‍්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා සඳහන් කළේ, අදාළ කාන්තාව විසින් එම නිරෝධායන මධ්‍යස්ථානයේ සිටින සෙසු කාන්තාවන්ගේ තොරතුරු රැස්කරන බවට ලද තොරතුරක් මත වේයන්ගොඩ පොලීසිය විමර්ශනයක් ආරම්භ කළ බවය.

ඒ අනුව අදාළ කාන්තාව සැකකටයුතු ලෙස හැසිරෙන බවට නිරෝධායන මධ්‍යස්ථානයේ නිලධාරීන් විසින් සිදුකළ පැමිණිල්ල ට අනුව ඇයව අත්අඩංගුවට ගෙන තිබේ.

පසුව එම කාන්තාව පිළිබඳ සිදුකළ විමර්ශනයේ දී හෙළිව ඇත්තේ ඇය 2019.02.06 වන දින සෞදි අරාබිය බලා පිටව ගොස් ඇති බවත්, ඒ සඳහා ඇය ව්‍යාජ හැදුණුම්පත් සකස් කරගෙන ඇති බවත්ය.

මෙලෙස අත්අඩංගුවට ගෙන ඇත්තේ මුලතිව් ප්‍රදේශයේ පදිංචිව සිටි පාතිමා රම්සාමියා නමැති කාන්තාවකි.

අත්අඩංගුවට ගත් සැකකාර කාන්තාව අද (20) අත්තනගල්ල මහෙස්ත්‍රාත් අධිකරණයට ඉදිරිපත් කිරීමට නියමිතය.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
13 + 12 =       

New Page 1

  2014 by www.eethalayanews.com