www.eethalayanews.com
  New Page 1
New Page 1
Eethalaya News
New Page 1

තව්හිද් ජමාත් තවත් ප‍්‍රබලයන් එළියේ - ෂාහිඩාගෙන් තොරතුරු හෙළිවෙයි


2021-02-23 07:08:48 -  459 යි

මරාගෙන මැරෙන ප‍්‍රහාර සඳහා ප‍්‍රතිඥා ලබාදීම සම්බන්ධයෙන් චෝදනා ලැබ සිටින තව්හිද් ජමාත් ත‍්‍රස්ත සංවිධානයේ ප‍්‍රබල සාමාජිකාවක බව කියන ඊබ‍්‍රාහීම් ෂාහිඩා නමැති තරුණියගෙන් ප‍්‍රශ්න කිරීමේදී හෙළිවී ඇති තොරතුරු මත එම සංවිධානයේ තවත් ප‍්‍රබල සාමාජිකයන් පිරිසක් අත්අඩංගුවට ගැනීම සඳහා ත‍්‍රස්ත විමර්ශන ඒකකය පුළුල් විමර්ශනයක් ආරම්භ කර ඇත.

ඊබ‍්‍රාහිම් ෂාහිඩා නැමැති තරුණිය රඳවා තබා ගැනීමේ නියෝගය මත රඳවාගෙන ත‍්‍රස්තවාදී විමර්ශන ඒකකය ඇයගෙන් දීර්ඝ ලෙස ප‍්‍රශ්න කරගෙන යන අතර තව්හිද් ජමාත් ත‍්‍රස්ත සංවිධානය පිළිබඳව මෙන්ම එහි තවත් ක‍්‍රියාකාරී සාමාජිකයන් පිරිසක් පිළිබඳව වැදගත් තොරතුරු අනාවරණය වෙමින් තිබෙන බව පොලිස් ආරංචිමාර්ග පවසයි.

ඊබ‍්‍රාහිම් ෂාහිඩා නමැති තරුණියගෙන් ප‍්‍රශ්න කිරීමේදී තව්හිද් ජමාත් ත‍්‍රස්ත සංවිධානයට නායකත්වය ලබාදෙන නියෝග මත මරාගෙන මැරෙන ප‍්‍රහාර එල්ල කිරීම සඳහා තමා ඇතුළු මුස්ලිම් කාන්තාවන් පහළොස් දෙනෙකු දිවුරුම් ලබා දී තිබූ බවට කරනු ලැබු හෙලිදරව්ව මහත් ආන්දෝලනයට ලක් විය.

මේ සම්බන්ධයෙන් දිවයින කළ විමසීමකදී ජ්‍යෙෂ්ඨ පොලිස් නිලධාරියකු කියා සිටියේ මෙම තරුණියගෙන් ප‍්‍රශ්න කිරීමේදී අනාවරණය වන සියලූම සැකකරුවන් තරාතිරම නොබලා අත්අඩංගුවට ගැනීමට කටයුතු කරන බවයි.

හේමන්ත රන්දුණු

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
13 + 11 =       

New Page 1

  2014 by www.eethalayanews.com