www.eethalayanews.com
  New Page 1
New Page 1
Eethalaya News
New Page 1

සැකකටයුතු ලෙස හැසිරුණු සමන්තුරේ ආකීර් හා කල්මුණේ ඉබ්බ්‍රා ලෙබ්බේ කොළඹදී අත්අඩංගුවට


2020-07-28 08:39:40 -  1010 යි

කොළඹ තරු පහේ හෝටලයක සැකකටයුතු ලෙස හැසිරුණු සමන්තුරේ සිට පැමිණි අයකු පොලිස් අත්අඩංගුවට ගෙන පැය හැත්තෑදෙකක රැඳවුම් නියෝග මත ප්‍රශ්න කිරීමට කොටුව පොලිසිය පියවර ගෙන ඇත.

සමන්තුරේ, සිති විතානයි පාර පදිංචි සුහයිල් ආකීර් (23) නමැති මෙම පුද්ගලයා ගැන සැක සිතූ හෝටලයේ ආරක්ෂක අංශය පොලිස් හදිසි ඇමතුම් අංකයට දුන් තොරතුරු මත මෙම අත්අඩංගුවට ගැනීම සිදුව ඇත.

සැකකරු සෞදි අරාබියේ අධ්‍යාපනය ලබා 2014දී ලංකාවට පැමිණ ඇති අතර අවස්ථා කිහිපයකදී විදේශගතවී ඇති බව ද හෙළිව තිබේ.

කුරුණෑගල ප්‍රදේශයේ පල්ලියක මානසික ආතතියට දින දහයක් යාඥාවලට සහභාගි වූ බව සැකකරු පවසා ඇත.

සැකකටයුතු ලෙස හැසිරීම හේතුවෙන් මෙම පුද්ගලයා රඳවාගෙන ප්‍රශ්න කිරීම ආරම්භ විය. මේ අතර කොල්ලුපිටිය ආනන්ද කුමාරස්වාමි මාවතේ පල්ලියක ඉරිදා (26දා) දේව මෙහෙය පැවැත්වෙන අතරතුර ඊට අනවසරයෙන් ඇතුළුවීමට තැත් කළ පුද්ගලයකුද කොල්ලුපිටිය පොලිසියේ අත්අඩංගුවට ගෙන ඇත.

කල්මුණේ, පාලමුණේ පදිංචි ඉබ්බ්‍රා ලෙබ්බේ නමැති අයකු මෙහිදී අත්අඩංගුවට ගෙන තිබේ.

ඉරිදා දේව මෙහෙයන් පැවැත්වෙන කාලසීමාවේ බස්නාහිර ඇතුළු ප්‍රදේශ රැසක දේවස්ථානවලට විශේෂ පොලිස් ආරක්ෂාවක් ලබාදී ඇත්තේ බුද්ධි අංශ අනතුරු හැඟවීම් මතය.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
14 + 11 =       

New Page 1

  2014 by www.eethalayanews.com