www.eethalayanews.com
  New Page 1
New Page 1
Eethalaya News
New Page 1

මෙවර නිදහස් උළෙලේ වෙනස්කම් රැසක් ජනපති හරසර, යුද්ධ උපකරණ ප්‍රදර්ශනය අඩු කරයි ආබාධීත රණවිරුන් වෙහෙසට පත්කිරීමත් වළකයි


2020-02-03 15:11:02 -  497 යි

මෙවර නිදහස් දින සැමරුම් උළෙල ඉතාචාම් අයුරින් සිදුකිරීමට රජය තීරණය කර තිබෙනවා. ඒ, ජනාධිපති ගෝඨාභය රාජපක්ෂ මහතාගේද උපදෙස් මතයි. ඒ අනුව මින් පෙර නිදහස් දින සැමරුම්වලදි සිදු කෙරුණු අංග කිහිපයක් මෙවර ඉවත් කිරීමට තීරණය කර තිබේ.

මීට පෙර පැවති නිදහස් දින සැමරුම් උත්සවවල උත්තමාචාර පෙළපාලිය පැය 3කටඅධික කාලයක් පැවැත්වුණා. මෙවර එය පැය දෙකක් හෝ ඊට අඩු කාලයකට සීමා කිරීමට තීරණය කර තිබේ.

ජනාධිපතිවරයා සැමරුම් උත්සවයට කැඳවාගෙන ඒමේදි පෙර ගමන් රථ සමගඅශ්වාරෝහකයින් පැමිණීම සාමාන්‍යයෙන් සිදුවුනා. එහෙත් මෙවරඅශ්වාරෝහකයින් ඉවත් කිරීමට තීරණය කර තිබෙනවා.

පැරෂුට් ආධාරයෙන් සිදු කෙරෙන ගුවන් පිනුම්ද මෙවර සිදු නොකෙරෙනු ඇති. නිදහස් දින සැමරුම් පෙළපාලියට එක් කෙරෙන යුද වාහන ප‍්‍රමාණය සීමා කිරීමටත් තීරණය වී තිබේ.

යුද හමුදාවට අයත් රේඩාර් පද්ධතිය ඇතුළු විශාල ප‍්‍රමාණයේ යුද වාහන මින් පෙර පැවති නිදහස් දින සැමරුම් උත්සවවලට යොදා ගැණුනා.

එහෙත් මෙවර සැමරුම් පෙළපාලියට එවැනියුද වාහන යොදා නොගන්නා බවට වාර්තා වේ.

ආබාධිත සෙබළුන්ද මීට පෙර පැවති සැමරුම් පෙළපාලිවල ගමන් කළද මෙවර එම සෙබළුන් පෙළපාලියට එක් කර නොගැනීමට තීරණය කර තිබෙනවා. ඒආබාධිත සෙබළුන්ට සිදුවන ශාරි‍රීක අපහසුතා වලින් ඔවුන් මුදවීමටයි.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
19 + 14 =       

New Page 1

  2014 by www.eethalayanews.com