www.eethalayanews.com
  New Page 1
New Page 1
Eethalaya News
New Page 1

ගුරුකන්ද විහාරයේ භාරකරුට පහර දීලා පොලිසි යන්නත් බයයිලූ


2019-11-04 10:39:04 -  182 යි

මුලතිව්, නයාරු ගුරුකන්ද රජමහා විහාරස්ථානය භාරකරුට නාඳුනන තරුණයකු 1 වැනිදා සවස පහර දී තිබේ.

විහාරස්ථානය භාරකරු කැළුම් බණ්ඩාර ප‍්‍රකාශ කළේ විහාරස්ථාන භූමියේ පවතින කෝවිලේ පූජාවක් වෙනුවෙන් පැමිණි කණ්ඩායමක තරු‍ණයකු තමන්ට එලෙස පහර දුන් බවයි.

විහාරස්ථානය වෙත ට‍්‍රැක්ටර රථයක පටවාගෙන කිසියම් දේව පිළිමයක් කණ්ඩායමක විසින් රැගෙන පැමිණි බවත් එහිදී තමා විහාරස්ථානයේ භාරකරු වශයෙන් සිද්ධිය සම්බන්ධයෙන් විමසීම සිදුකළ බවත්, අදාළ පැමිණි පිරිස කුමක් සිදුකරන්නේ ද යන්න සම්බන්ධයෙන් තමාගේ ජංගම දුරකථනයෙන් ජායාරූප හා වීඩියෝ ගැනීමක් සිදුකළ අවස්ථාවේ පැමිණි කණ්ඩායමෙන් කෙනකු තමන්ට පහරදීම සිදුකළ බවත් විහාරස්ථානයේ භාරකරු කියා සිටියේය.

අදාළ පිරිස පහරදීම සම්බන්ධයෙන් පැමිණිලි කිරීමට මුලතිව් පොලිසිය දක්වා ගමන් කිරීමට තමාට සිදුව ඇති බවත් තනිව සිටින තමන්ට මුලතිව් දක්වා ගමන් කළ නොහැකි තත්වයක් පවතින බවත් විහාරස්ථානය භාරකරු කැළුම් බංඩාර පැවසීය.

මග රැක සිට අදාළ පිරිස තමාට පහර දෙතැයි තමන් බියෙන් පසුවන බව ද හෙතෙම පැවසීය.

මීට පෙර අවස්ථාවකදී උතුරු පළාත් සභා හිටපු මන්ත‍්‍රී ටී.රවිහරන් මහතා ඇතුළු පිරිසක් ද තමන්ට තර්ජනය කළ බව ද විහාරස්ථානයේ භාරකරු කියා සිටියේය.

දිනසේන රතුගමගේ

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
17 + 18 =       

New Page 1

  2014 by www.eethalayanews.com