www.eethalayanews.com
  New Page 1
New Page 1
Eethalaya News
New Page 1

අත්අඩංගුවේ සිටින අය නිදහස් කිරීමට කියා ඇමතුම් දෙන කල්ලියක් ගැන තොරතුරු හෙළිවෙයි


2019-06-11 10:00:43 -  166 යි

පාස්කු ඉරිදා ප‍්‍රහාරය සම්බන්ධයෙන් හා ඊට පසු සිදුකළ මෙහෙයුම්වලදී අත්අඩංගුවට ගෙන රිමාන්ඞ් භාරයේ සහ පොලීසිය භාරයේ සිටින සැකකරුවන්ට ඇප ලබාදීම සඳහා බව කියමින් එම සැකකරුවන්ගේ ඥාතීන්ට දුරකතන ඇමතුම් ලබාදී කප්පම් ලෙස මුදල් ඉල්ලා සිටින සංවිධානාත්මක කල්ලියක් පිළිබඳ තොරතුරු ලැබී ඇතැයි පොලිස් මාධ්‍ය ප‍්‍රකාශක, පොලිස් අධිකාරී රුවන් ගුණසේකර මහතා පැවසීය.

මෙම සංවිධානාත්මක කල්ලිය අත්අඩංගුවේ සිටින සැකකරුවන් නිදහස් කිරීමට බව කියමින් මෙන්ම වෙනත් සාමාන්‍ය ජනතාවට ද ඇමතුම් ලබාදී ඔවුන් ත‍්‍රස්ත කි‍්‍රයාවන් සම්බන්ධයෙන් සැකපිට අත්අඩංගුවට ගැනීමට යන බව පවසා අත්අඩංගුවට නොගෙන සිටීමට බව කියමින්ද කප්පම් ඉල්ලන බවට තොරතුරු ලැබී ඇතැයි ද පොලිස් මාධ්‍ය ප‍්‍රකාශකවරයා සඳහන් කළේය.

ඇමතුම් ලබාදී එලෙස මුදල් ඉල්ලන මෙම සංවිධානාත්මක කල්ලියට නොරැවටෙන ලෙස තමන් ජනතාවට දැනුම් දීමක් කරන බව ද රුවන් ගුණසේකර මහතා සඳහන් කළේය.

කිසියම් අයෙකුට මෙවැනි ඇමතුමක් ලැබුණහොත් ඒ බව ඇමතුම ලැබුණු දුරකථන අංකය සමඟ ළඟම ඇති පොලීසියට පැමිණිලි කරන ලෙස පොලිස් මාධ්‍ය ප‍්‍රකාශකවරයා ඉල්ලීමක් ද කළේය.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
16 + 20 =       

New Page 1

  2014 by www.eethalayanews.com