www.eethalayanews.com
  New Page 1
New Page 1
Eethalaya News
New Page 1

ලුණුගම්වෙහෙරේ වෙඩි තැබීමකින් පුද්ගලයෙක් මරුට-2කට තුවාලයි


2019-05-17 08:25:39 -  236 යි

ලුණුගම්වෙහෙර පොලිස් වසමේ, කුඩා ගම්මාන 01-02, පවම් ඉවුර, බෙරලිහෙල ප්‍රදේශයේදී සිදු වූ වෙඩි තැබීමකින් පුද්ගලයෙකු මියගොස් තවත් පුද්ගලයින් දෙදෙනෙක් තුවාල ලබා රෝහල් ගත කර තිබේ.

ඊයේ(16) රාත්‍රී 09.30ට පමණ මෙම වෙඩි තැබීම සිදුව ඇති බව පොලිස් මාධ්‍ය ප්‍රකාශක කාර්යාලය පවසයි.

ලුණුගම්වෙහෙර බෙරලිහෙල ප්‍රදේශයේ නිවසක පැවති සාදයක් අතරතුර මෙම වෙඩි තැබීම සිදුව ඇත.

පොලීසිය පැවසුවේ නිවසේ පැවති මත්පැන් සාදයකදී ඇති වූ බහින්බස් වීමක් අතරතුර මෙම වෙඩි තැබීම සිදුව ඇති බවයි. 

සිද්ධියෙන් මිය ගොස් ඇත්තේ තිස්සමහාරාම ප්‍රදේශයේ පදිංචි 27 හැවිරිදි පුද්ගලයෙකි.

වෙඩි තැබීමෙන් තුවාල ලැබූ අනෙක් පුද්ගලයින් දෙදෙනා ලුණුගම්වෙහෙර රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා හම්බන්තොට රෝහලට ඇතුළත් කර ඇත. 

සිද්ධිය සම්බන්ධයෙන් ලුණුගම්වෙහෙර පොලීසිය වැඩිදුර පරීක්ෂණ සිදුකරනු ලබයි.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
16 + 18 =       

New Page 1

  2014 by www.eethalayanews.com