www.eethalayanews.com
  New Page 1
New Page 1
Eethalaya News
New Page 1

කළුබෝවිල රෝහලේ මුස්ලිම් වෛද්‍යවරයෙක් බඩුත් සමඟ මාට්ටු


2019-05-06 14:41:33 -  8596 යි

නේවාසික වෛද්‍ය පුහුණුවක් සඳහා කළුබෝවිල මහ රෝහලට පැමිණ සිටි මුස්ලිම් වෛද්‍යවරයකුට අයත් මෝටර් රථයේ තිබී අයි. එස්. අයි. එස්. මුස්ලිම් අන්තවාදී සිද්ධීන් ඇතුළත් සංයුක්ත තැටි තොගයක් තිබී සොයා ගැනීමට එම රෝහලේ ආරක්‍ෂාවට යොදවා සිටි ගුවන් හමුදා නිලධාරීන් 03 දා සමත් විය.

සැකකාර මුස්ලිම් වෛද්‍යවරයාද ගුවන් හමුදාව මගින් අත්අඩංගුවට ගෙන තිබේ.

කළුබෝවිල මහ රෝහල් භූමියේ නවතා තිබූ වාහන පරීක්ෂාවකදී මෙම වෛද්‍යවරයා අදාළ රථය පරීක්ෂා කර ඇති අතර එහිදී මෙම අන්තවාදී සිද්ධීන් ඇතුළත් සංයුක්ත තැටි තොගය සොයාගෙන තිබේ.

සැකකරු කාත්තන්කුඩි ප‍්‍රදේශයේ පදිංචි වෛද්‍ය විද්‍යාව හදාරා උපාධිය ලබාගත් අයකු බවත් එම උපාධියෙන් පසු ලබාදෙන ප‍්‍රථම වසර නේවාසික වෛද්‍ය පුහුණුවට මොහු පසුගිය අප්‍රේල් 01 වැනිදා කළුබෝවිල මහ රෝහලට පැමිණ ඇති බවත් ගුවන් හමුදාව පවසයි.

මීට අමතරව මෙම වෛද්‍යවරයාගේ ඥාතීන් පදිංචිවී සිටින ගල්කිස්ස, විජය පාර හා මොරටුව ප‍්‍රදේශයේ නිවාස කීපයක්ද ගුවන් හමුදා භට පිරිස් හා පොලීසිය එක්ව දැඩි පරික්‍ෂා කිරීමකට ලක් කළද එහිදී සැකකටයුතු කිසිවක් හමුවී නැත.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
20 + 10 =       

New Page 1

  2014 by www.eethalayanews.com