master
  New Page 1
New Page 1
Eethalaya News
New Page 1

සල්ලාල පෙම්වතාගේ ෆේස්බුක් සෙල්ලමෙන් මීගමුවේ ජීවිත 2ක් වැනසෙයි


2018-10-08 07:57:54 -  1421 යි

'මුහුණුපොතෙන්' හඳුනාගත් 16 හැවිරිදි පෙම්වතියගේ අනුදැනුම ඇතිව මවගේ රන්බඩු කොල්ලකෑමට නිවෙසට එවූ පෙම්වතාගේ මිතුරන් පිහියක් පෙන්නා පෙම්වතිය බියගන්වා කාමරයකට ගෙනගොස් ‍ෙදාරගුළු දමා වසා 55 වියැති මව දූෂණය කරමින් එම දර්ශන ජංගම දුරකථනයකින් පටිගත කර ඇත.

මීගමුව කොට්ඨාස අපරාධ විමර්ශන අංශය සිදුකළ දීර්ඝ විමර්ශනයකින් අනතුරුව කොල්ලකන ලද රන් ආභරණ සමඟ සැකකරුවන් දෙදෙනකු 5දා පස්වරුවේ අත්අඩංගුවට ගෙන තිබේ.

මෙසේ අත්අඩංගුවට ගෙන ඇත්තේ කුරණ, නන්ද මාවතේ පදිංචි 21 හැවිරිදි පෙම්වතා සහ කුරණ මුනිදාස කුමාරතුංග මාවතේ පදිංචි විවාහකයෙකි.

පොලිස් විමර්ශනවලදී හෙළි වී ඇති තොරතුරු අනුව 'මුහුණුපොතෙන්' මේ පෙම්වතුන් මුණගැසී ඇති අතර පෙම්වතා විසින් මාස කිහිපයක ඇසුරකින් පසුව 'මුහුණුපොතේ' මැසෙන්ජර් මඟින් තරුණියගේ උඩුකය නිරාවරණය කර ලබාගත් සෙල්ෆි ඡායාරූපයක් උපක්‍රමශීලිව ගෙන්වාගෙන ඇත.

මෙම ඡායාරූපය අන්තර්ජාලය හරහා ප්‍රසිද්ධියට පත්කරන බව තරුණියට පවසා බිය ගන්වා එසේ නොකිරීමට නම් තමන්ට මුදල් අවශ්‍ය බව දන්වා ඇත.

තමන් ළඟ මුදල් නැති බවත් මවගේ අල්මාරියේ නම් රත්රන් බඩු තිබෙන බවත් තරුණිය පෙම්වතාට පවසා ඇත. තමන් නිවෙසට දෙදෙනකු එවන බවත් ඔවුන්ට අල්මාරියේ රත්රන් බඩු තිබෙන තැන පෙන්වන ලෙසත් පවසා මේ හොර පෙම්වතා තරුණියට තර්ජනය කර ඇත.

මේ අනුව පෙම්වතා විසින් තරුණියගේ නිවෙසට එවන බව දැන්වූ දෙදෙනා පසුගිය සැප්තැම්බර් 12දා දහවල් 10.00ට පමණ යතුරුපැදියකින් පැමිණ නිවෙසට ඇතුළු වී ඇත. සැකකරුවන් පිහියක් පෙන්වා තරුණිය බිය ගන්වා කාමරයකට ගෙන ගොස් ‍ෙදාර අගුළු දමා වසා ඇත.

අපරාධකරුවන් විසින් මව වෙනත් කාමරයකට ගෙන ගොස් ඇගේ දෑත් පිටුපසට තබා බැඳ දූෂණය කරමින් ඔවුන් එම දර්ශන ජංගම දුරකථනයකින් වීඩීයෝ කර ඇති බවද පරීක්ෂණවලදී අනාවරණය වී තිබේ.
මව දූෂණය කිරීමෙන් පසු මෙම අපරාධකරුවන් දෙදෙනා අල්මාරියේ තිබූ රන්මාල දෙකක්, රන් පෙන්ඩන්ට් දෙකක් සහ කරාබු ජෝඩු දෙකක් රැගෙන පලාගොස් ඇති බවද සැකකරුවන්ගෙන් කරන ලද ප්‍රශ්න කිරීම්වලදී අනාවරණය වී තිබේ.

මෙම සැකකරුවන් මත්ද්‍රව්‍යවලට තදින් ඇබ්බැහි වූවන් බව විමර්ශනවලදී අනාවරණය කරගෙන ඇත.

මීගමුව ජේ‍යෂ්ඨ පොලිස් අධිකාරි චන්දන අතුකෝරාල මහතාගේ උපදෙස් අනුව මීගමුව කොට්ඨාස අපරාධ විමර්ශන අංශයේ ස්ථානාධිපති සම්පත් දිසානායක මහතාගේ අධීක්ෂණයෙන් සිදුවූ මෙම විමර්ශන කටයුතු සදහා සැරයන් රාවුෆ් (63188), හේරත් (34064), පොලිස් කොස්තාපල්වරුන් වන චතුරංග (31877), වන්නිනායක (37928), ගයන් (82756), ප්‍රභාත් (78142), හපුවිට (88441) සහ පොලිස් රියැදුරු ජයකොඩි (85438) යන නිලධාරීන්ද සහභාගි වී ඇත.

වැඩිදුර විමර්ශනවලින් පසු සැකකරුවන් අධිකරණයට ඉදිරිපත් කිරීමට නියමිතයි.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
16 + 19 =       

New Page 1

  2014 by www.eethalayanews.com