www.eethalayanews.com
  New Page 1
New Page 1
Eethalaya News
New Page 1

වහාම ඉල්ලා අස්වෙන්න - පොලිස්පති පූජිත් ජයසුන්දරට ජනපති - අගමැති දන්වති


2018-09-20 11:59:42 -  1176 යි

සති දෙකක කාලයක් තුළදී සිය ධුරයෙන් ඉල්ලා අස්වන ලෙසට පොලිස්පති පූජිත් ජයසුන්දරට ජනධිපති මෛත්‍රිපාල සිරිසේන සහ අග්‍රාමාත්‍ය රනිල් වික්‍රමසිංහ දැනුම්දී ඇති බව
රජයේ ආරංචි මාර්ග වාර්තා කර තිබේ.
ජ්‍යෙෂ්ඨ නියෝජ්‍ය පොලිස්පති නාලක ද සිල්වා සම්බන්ධ ගැටලුව හා ඉන් පසුව පොලිස්පතිවරයාගේ ක්‍රියාකලාපය සම්බන්ධයෙන්
පසුගිය දිනවල පාර්ලිමේන්තුවේ හා පිටත විවේචන රැසක් එල්ල විය.
ජනාධිපතිවරයා සහ හිටපු ආරක්ෂක ලේකම්වරයා

ඝාතනය කිරීමේ කුමන්ත්‍රණයක් කළ බවට චෝදනා ලැබ සිටින නියෝජ්‍ය පොලිස්පති නාලක ද සිල්වා පොලිස්පතිවරයා සමඟ 17දා රාත්‍රියේ බෝධි පූජාවක් පැවැත්වීමට කැලණිය විහාරස්ථානයට ගොස් ඇති බව පාර්ලිමේන්තුවට හෙළි කළේ මන්ත්‍රී වාසුදේව නානායක්කාරයි.

ජනපති ඝාතන තැතකට සැකකරන අයෙකු සම්බන්ධයෙන් පොලිස්පතිවරයා සැහැල්ලුවෙන් ක්‍රියාකර නාලක ද සිල්වාට පොලිසියේ දඩුවම් ස්ථාන මාරුවක් නොව ප්‍රවර්ධන ස්ථාන මාරුවක් ලෙස තොරතුරු තාක්ෂණ ඒකකයට මාරු කර යැවීම ගැනද විවේචන මතුවූ අතර මේ වනවිට පොලිස් කොමිසමේ නිර්දේශයෙන් නාලක ද සිල්වා අනිවාර්ය නිවාඩු යවා පරීක්ෂණ සිදු කෙරේ.

"එවැනි පොලිස්පතිවරයකු යටතේ චෝදනා ලැබ සිටින නියෝජ්‍ය පොලිස්පතිවරයකුට එරෙහිව සිදුකරෙන පරීක්ෂණ අපක්ෂපාතීව සිදුකළ නොහැකියි." චූදිත නියෝජ්‍ය පොලිස්පතිවරයා පෙරේදා රෑ බෝධි පූජාවක් තියන්න පොලිස්පති එක්ක කැලණි පන්සලට ගිහිල්ලා.
මේක ඉතා ප්‍රබල සම්බන්ධයක්. මෙහෙම පොලිස්පති කෙනකු එක්ක කොහොමද පරීක්ෂණ කරන්නේ. වහාම මේ පොලිස්පති ඉවත් කරලා පරීක්ෂණ පවත්වන කියල අපි ආණ්ඩුවට කියනවා යනුවෙන් වාසුදේව නානායක්කාර මහතා පාර්ලිමේන්තුවේදී කියා තිබුණි. සති දෙකක කාලයක් තුළදී සිය ධුරයෙන් ඉල්ලා අස්වන ලෙසට පොලිස්පති පූජිත් ජයසුන්දරට ජනපති අගමැති දන්වා ඇත්තේ මෙම පසුබිම යටතේය. 

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
20 + 11 =       

New Page 1

  2014 by www.eethalayanews.com