master
  New Page 1
New Page 1
Eethalaya News
New Page 1

ඈෂ්ලි වංචාව හැකර් පිටින් යවයි ?


2018-09-13 08:19:11 -  294 යි

ශ්‍රී ලංකා ක්‍රිකට් ආයතනයට විදේශ රූපවාහිනී ආයතනයකින් ලැබීමට නියමිත ඩොලර් මිලියන 5.5 ක මුදලක් වෙනත් ගිණුමකට බැර කිරීමට කටයුතු කර ඇත්තේ හැකර් කෙනෙකු විසින් බවට මතයක් ගොඩ නැගීමට ශ්‍රී ලංකා ක්‍රිකට් ප්‍රධානීන් උත්සාහ ගනිමින් සිටින බව වාර්තා වේ.

මෙසේ අස්ථාන ගත කිරීමට උත්සාහ ගෙන තිබුණේ එංගලන්ත ක්‍රිකට් කණ්ඩායමේ එළඹෙන ශ්‍රී ලංකා සංචාරයේ රූපවාහිනී විකාශන අයිතිය වෙනුවෙන් ශ්‍රී ලංකාවට ලබාදීමට නියමිතව තිබූ මුදලය.

කෙසේවුවද, ඊතලය වෙත වාර්තාවන ආකාරයට අදාළ සිද්ධියේ ප්‍රධාන චූදිතයා බවට පත්ව සිටින ශ්‍රී ලංකා ක්‍රිකට් ආයතනයේ මූල්‍ය ප්‍රධානියාට මෙතෙක් කිසිදු විනය පියවරක් ගෙන නොමැති බවද පැවසේ.

ඔහු අද (12) දිනයේ ශ්‍රී ලංකා ක්‍රිකට් වෙත පැමිණියහොත් ඔහුට එම පරිශ්‍රයට ඇතුළුවීමට ඉඩකඩ ලබාදෙන ලෙස ශ්‍රී ලංකා ක්‍රිකට් හි ප්‍රධාන විධායක නිලධාරී ඈෂ්ලි ද සිල්වා මහතා විසින් ආරක්ෂක අංශ වෙත උපදෙස් දී ඇතැයි ද ඉතා විශ්වාස කටයුතු ආරංචි මාර්ගයකින් වාර්තා වේ.

මේවන විට ක්‍රිකට් ආයතනයේ මූල්‍ය අංශයට සීල් තබා ඇතත් ඊයේ (11) එහි පැමිණි මූල්‍ය ප්‍රධානියාගේ සහයිකාවට මානව සම්පත් කළමනාකරන අංශයේ පුටුවක් හා මේසයක් ලබාදීමට ද ඈෂ්ලි මහතා කටයුතු කර ඇති බවට තොරතුරු වාර්තා වේ.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
17 + 19 =       

New Page 1

  2014 by www.eethalayanews.com