master
  New Page 1
New Page 1
Eethalaya News
New Page 1

වෙඬරුවේ උපාලිට එරෙහි ලිංගික අපචාර චෝදනා CIDය ගල් කරලා


2018-06-22 09:50:44 -  1827 යි

සියම් නිකායේ අස්ගිරි පාර්ශ්වයේ අනු නායක වෙඬරුවේ උපාලි නාහිමියන්ට එරෙහිව ලිංගික අපචාර සම්බන්ධයෙන් චෝදනා රැසක් එල්ල වී ඇති බව වාර්තා වේ. මේ පිළිබඳව උන්වහන්සේ වැඩවාසය කරන විහාරස්ථානවල දායකකාරකාදීන් විසින් අදාල සියලුම ආයතන දැනුවත් කර ඇති අතර සියලු තොරතුරු සහිත ලිපි ගොනුවක් අපරාධ පරීක්ෂණ දෙපාර්තමේන්තුව වෙත ද ලැබී තිබේ.

කෙසේ වෙතත් මේ සම්බන්ධයෙන් මෙතෙක් කිසිදු පරීක්ෂණයක් ආරම්භ කර හෝ නොමැති බවයි අපවෙත වාර්තා වන්නේ.

වගකිව යුතු ආයතන වෙත මෙම ලිංගික අපචාර සම්බන්ධයෙන් පැමිණිලි කළ පාර්ශ්වය විසින් අදාල තොරතුරු මාධ්‍ය වෙත ලබාදීමට සූදානමින් සිටින අතර ඇතැම් තොරතුරු මේ වනවිටත් මාධ්‍ය වෙත හෙලිදරව් වී ඇති බවද වාර්තා වෙයි. ඔවුන් පවසන්නේ වගකිව යුතු ආයතන පරීක්ෂණ සිදු නොකරන්නේ නම් මාධ්‍ය හරහා මහජනතාව දැනුවත් කිරීම හැර වෙනත් විකල්පයක් නොමැති බවයි. රහස් පොලීසිය වෙත ලබාදුන් ලිපිගොනුවලට කුමක් වූයේද යන්න රහසක් වන අතර තවදුරටත් රහස් පොලීසිය මෙම පරීක්ෂණවලින් කර අරින්නේ නම් ඉතා ඉක්මනින් එම තොරතුරු ප්‍රසිද්ධියට පත් කරන බවයි අදාල විහාරස්ථානවල දායකයන් අවධාරණය කරන්නේ.

වෙඬරුවේ උපාලි නාහිමියන් විසින් සිදුකර ඇති ලිංගික අපචාර සම්බන්ධයෙන් තොරතුරු හෙළි කිරීමට අප සූදානමින් සිටින අතර එහෙත්, පරීක්ෂණ ආරම්භ කිරීමට අපරාධ පරීක්ෂණ දෙපාර්තමේන්තුවට තවත් සතියක කාලයක් ලබාදීමට අප සූදානම්ය. ඉදිරි සතිය තුළ අදාල සිදුවීම සම්බන්ධයෙන් පරීක්ෂණ පවත්වා අගතියට පත් පාර්ශ්වයට සාධාරණය ඉටු නොකරන්නේ නම් සියලු තොරතුරු අප මහජනතාවගේ දැනගැනීම සඳහා හෙළිදරව් කිරීමට සූදානම් බව ද අවධාරණය කර සිටිමු.

නීතියේ ආධිපත්‍යය ක්‍රියාත්මක වන ප්‍රජාතන්ත්‍රවාදී රටක, එම ප්‍රජාතන්ත්‍රවාදය වලපල්ලට දමා ඒකාධිපතියන්, ආඥාදායකයන් බිහි කරන්න කැස කවන්නේ, ආශීර්වාද කරන්නේ මෙවැනි චෝදනා ඇත්තන්ය. ඒ, ප්‍රජාතන්ත්‍රවාදය අහිමි වූ කල, නීතියක් නොමැති වූ කල තමන්ට පැවැත්මක් තිබෙන බව දන්නා හෙයිනි. ඒ නිසා ප්‍රජාතන්ත්‍රවාදය අහිමි කරමින් හිට්ලර්ලා බිහි කරන්නට යෝජනා කරන්නවුන්ගේ කිල්ලෝට පරීක්ෂා කර බැලිය යුත්තේ, ඔවුන්ගේ කිල්ලෝටවල හුණු ටිකක් හෝ තිබෙන බැවිනි.

කාන්තාවකට අපහාස කිරීම සම්බන්ධයෙන් චෝදනා එල්ල වූ ගලගොඩඅත්තේ ඥානසාර හිමි මේ වනවිට මාස 06 ක සිරදඬුවම් විඳිමින් සිටින අතර ඒ ආකාරයෙන්ම මෙම සිදුවීම සම්බන්ධයෙන් ද කඩිනමින් පරීක්ෂණ සිදුකොට වගකිව යුතු පුද්ගලයන්ට දඬුවම් හිමි වෙතැයි අප බලා සිටින්නෙමු.

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
16 + 11 =       

New Page 1

  2014 by www.eethalayanews.com