master
New Page 1

නර්ස්ලා වටකරගෙන ඒ වයසක ආච්චිට බනින්න ගත්තා, ආච්චි අසරණකමට බලා ගත්තු අතේ බලන් හිටියා



2017-08-08 11:05:53 -  212 යි

රජයේ ‍රෝහල් වල හෙදියන් සහ සාත්තු සේවිකාවන්ගේ සමහර හැසිරීම් පිළිබදව සමාජයේ පවතිනා මතය එතරම් යහපත් නැහැ.
‍රෝගීන් කරුණාවෙන් රැක බලා ගන්නා යහපත් හෙදියන් අතරම රෝහල් වල සේවය කිරීමට නුසුදුසු හෙදියන් හා සාත්තු සේවිකාවන්ද නැත්තේම නොවේ.

රෝගීන්ට බැන වැදීම , නොසලකා හැරීම වැනි හෙදියකට නුසුදුසු අකාරුණික ගති පෙන්වන මෙවැනි පිරිස් සමස්ත හෙද සේවයටම නින්දාවක්.

එවැනි අකාරුණික හෙදියන් සම්බන්ද සිදුවීමක් සම්බන්දව ෆේස්බුක් සමාජජාලා වෙබ් අඩවියේ සටහන්ව තිබුනා.

එම සටහන පහතින්

අද උදේ අම්මව බලලා එන්න කියලා රාගම ඉස්පිරිතාලෙට ගියා.
Ward එකේ ටික වෙලාවක් ඉන්නකොට ආච්චි කෙනෙක් ආවා. එයාට මොකක් හරි scan එකක් කර ගන්න. ඉස්කෝලෙ යන වයසෙ ගෑණු ළමයෙකුත් එක්කගෙන ඇවිත් තිබුණේ. මං හිතන්නෙ මිණිබිරියක් වෙන්න ඇති. උදේ 8 වෙද්දි එන්න කියලා ඉස්පිරිතාලෙට. 6.30 වෙද්දි ඒ ආච්චි ඇවිත් හිටියා. එයා හිතන් ඉඳලා තියෙන්නෙ ඉක්මනට කරගෙන යන්න පුලුවන් වෙයි කියලා, අර ළමයව තනියෙන් එළියෙ තියන්න බැරි නිසා. ඉතින් එතන හිටපු න‍ර්ස්ලාගෙන් ඇහුවා කීය වෙද්දි යන්න පුලුවන් වෙයිද කියලා. නිකන් මරන්න කතා කළා වගේ න‍ර්ස්ලා ටික අර මනුස්සයට බැනගෙන බැනගෙන ගියා අපි කොහොමද ඒවා දන්නෙ, ළමයි එක්කන් එන්නෙ මොකටද අරකයි මේකයි කිය කිය. ඊට පස්සෙ ඒ ආච්චි ඇහුවා එහෙනම් මං ළමයව ගෙදර ගිහින් දාලා එන්නද කියලා. ආයි ඉතින් අර මනුස්සයට බනින්න පටන් ගත්තා. ඒ ආච්චි අසරණ වෙච්චි අසරණවිල්ලට බලා ගත්තු අතේ බලන් හිටියා ටික වෙලාවක්. පුදුම දුකක් දැනුණේ.

 න‍ර්ස්ලට හපන් attendantsලා. එයාලත් ඇවිත් අර මනුස්සයට බනින්න පටන් ගත්තා. ඒ වෙලාවේ නම් ආපු කේන්තියට මොනාහරි කියන්න හිතුනත් අම්මත් තව දවස් දෙක තුනක් ward එකේ ඉන්න ඕනෙ නිසා කට වහන් හිටියා. උත්තරේ දන්නවා උනත් මං අම්මගෙන් නිකමට ඇහුවා දොස්තරලත් මෙහෙමද කියලා. අම්මා ගත් කටටම කිව්වෙ අපෝ නෑ ඒ මිනිස්සු නම් රත්තරන්, එක්කෙනෙක් නෙමේ ඔක්කොම හරි හොඳයි කියලා.

කොහොමත් හැමතැනම ඔහොම තමයි. දොස්තරලගෙන් 99%ක්ම වගේ මනුස්සකම තියෙන හොඳ මිනිස්සු.. ඒත් නර්ස්ලා හිතන් ඉන්නෙ ඉස්පිරිතාලේ උන්ගෙ පෞද්ගලික දේපලක් කියලා. මිනිස්සුන්ට කතා කරන විදිහක් තියෙනවා සහ විශේෂයෙන්ම අර වගේ නොතේරෙන වයසක මනුස්සයෙක්ට පැහැදිලි කරලා දෙන විදිහක් තියෙනවා. අහිංසක දුප්පත් මිනිස්සු නොමිළේ බෙහෙත් ටික ගන්න ආණ්ඩුවේ ඉස්පිරිතාලේට ආවම තලලා පෙලලා දාලා ආයේ ආණ්ඩුවේ ඉස්පිරිතාල ඒ මිනිස්සුන්ට එපා කරවන එක වැරදියි.

උපුටා ගැනීම ෆේස්බුක් සමාජජාලයෙනි

  ඔබේ අදහස්
  ඔබේ අදහස් ඔබට කැමති අයුරින් මෙහි ලියන්න
 
 
 
 
17 + 15 =       

New Page 1

  2014 by www.eethalayanews.com